الثورة
مخضوضة جدا من الناس الواعية اللي بتتكلم عن اصلاح البلد
انتوا مش متاخرين شوية؟؟؟
احنا كنا بنتكلم عن الاصلاح بقالنا عشر سنين....
بس الثورة قامت على فكرة لاسقاط النظام
كان ممكن يبقى شعارها اصلاح النظام
وساعتها كان ممكن نروح بيوتنا بعد ما مبارك قال فهمتكوا
الثورة هي التغيير الجذري
مش التدريجي
والمجلس العسكري اللي الناس بتتكلم في انه ياخد مساحته
مع كل عدم احترامي هو جزء من النظام وكلنا عارفين
احنا لما هتفنا الجيش والشعب ايد واحدة كنا عشان نمنعه
من ضربنا بس مش ثقة فيه ولا حاجة
ومع ذلك فعلا سبناله مساحة كبيرة
والنتيجة ولا حاجة ولا حتى قادر يوصل لدرجة الاصلاح
ليه المفروض نستنى للانتخابات
ليه المفروض نسيب الحاجات تتوه ويبقى كانك يابو زيد ما غزيت
الضغط اللي بيحصل ده
هو الضمان الوحيد انه الثورة ماتتوهش
لانه الثورة المضادة اللي بتشتغل بشكل غير مباشر
انيابها لسة مسنونة ماتكسرتش
*****
اما الشعب
في الاول كنت بتناقش مع سواقين التاكسي اللي بيشتموا التحرير
بس دلوقتي بصراحة بقيت معنديش طاقة للاقناع
لانه الكلام بقى من نوعية ربنا يحرقهم ولاد الوسخة الزبالة
اللي موقفين حالنا هو ليه طنطاوي مايبيدهمش كلهم؟؟؟
نفس سواقين التاكسي دول اللي كان دايما عندهم خبايا فساد الحكم في مصر قبل ثورة يناير
واللي كل مرة يقولولك الوزير فلان عنده كام مليون وعلان عضو مجلس الشعب بينيل ايه
وبتوع الجيش بيعملوا كذا
ومبارك وجمال وعلاء وسوزي بينيلوا معرفش ايه
وفي الاخر يارب استر على البلد دي واصلح حالها
عطلت جامد النهارده فعلا وبقيت مش فاهمة
المنطقي انهم يرحبوا باللي الثوار بيعملوه
لان هي دي شكوتهم الدائمة لانهم مسروقين وطالع دينهم
ودلوقتي بس بقى في امل
بس بردو يتكلموا على الوقت وان الحاجات بتيجي بالتدريج
ويسمعوا التليفزيون المصري اللي عارفين كويس انه بيشتغلهم
وبردوا يصدقوه ويبقى كل الناس عملاء وخاينين
بيصيبني فعلا الاحباط لاني يمكن مشكلتي مع النظام مكانتش اقتصادية بالدرجة الاولى
كانت اجتماعية وسياسية
بس النسبة الكبيرة من الشعب اللي فعلا ظروفهم الاقتصادية صعبة
واحنا بنطالب بحد ادنى وحد اقصى للاجور
ازاي مش قادرين يتضامنوا مع حقهم
بيتقال كلام كتير ان النخبة مش قايمة في دورها بالتوعية
ماشي انا موافقة
يعني لو اعتبرت نفسي من التخبة
انا مقصرة
بس ده لا ينفي ان في حاجات بديهية
انه في حق للي ماتوا غدر وفي حق للعايشين في الفقر
ده مش محتاج توعية
طب ليه الناس مش عايزة تفهم ده؟؟؟
ليه بيبصوا تحت رجليهم
****
الماركسية
الحاجة التالتة اللي عطلت عندها الحقيقة
هي اني وفقا للتحليل والنظرية الماركسية اللي بشربها زي الميه من وانا صغيرة جدا
بحكم تربيتي واللي صدقت فيها فعلا لما كبرت شوية وتبنيتها عن اقتناع
كنت بتوقع طول الوقت ان الثورة هيقوم بيها العمال
اللي بقالهم تلات اربع سنين بيعملوا اضرابات مهمة جدا بتتعدى " المطالب الفئوية" بشوية
وتصورت انه فعلا قربنا من انهم يقودوا ثورة كانت بالمناسبة هاتبقى اقوى بكتير لو كانوا هم اللي بدأوها
بس ماحصلش
وانضموا بعدين
ورجحوا كفة الثورة بالفعل
وبيضغطوا دلوقتي بس في مطالب تخصهم هم بس
ومش على نطاق واسع
مطلب الحد الادنى للاجور بيفيد العمال بالدرجة الاولى... هم فين؟؟؟؟
الاستغلال كان واقع عليهم بشكل كبير
ليه مفيصين
انا مش بشكك في النظرية اللي انا مصدقة فيها
بالعكس انا لسة مؤمنة بيها جدا
بس حاسة الدنيا عندنا كلها اتلخبطت كده
والحاجات كلها ساحت في بعضها
*****
ومع كل ده انا متفائلة حتى باسود النتايج
لانه محدش عنده كتالوج
ومحدش يتصور انه عنده الحل والاجابة على الاسئلة
التجربة والخطأ
هي الحاجة الوحيدة اللي هتجاوب على الاسئلة
بس الموضوع محتاج شوية صبر على شوية اصرار
والثورة مستمرة
مخضوضة جدا من الناس الواعية اللي بتتكلم عن اصلاح البلد
انتوا مش متاخرين شوية؟؟؟
احنا كنا بنتكلم عن الاصلاح بقالنا عشر سنين....
بس الثورة قامت على فكرة لاسقاط النظام
كان ممكن يبقى شعارها اصلاح النظام
وساعتها كان ممكن نروح بيوتنا بعد ما مبارك قال فهمتكوا
الثورة هي التغيير الجذري
مش التدريجي
والمجلس العسكري اللي الناس بتتكلم في انه ياخد مساحته
مع كل عدم احترامي هو جزء من النظام وكلنا عارفين
احنا لما هتفنا الجيش والشعب ايد واحدة كنا عشان نمنعه
من ضربنا بس مش ثقة فيه ولا حاجة
ومع ذلك فعلا سبناله مساحة كبيرة
والنتيجة ولا حاجة ولا حتى قادر يوصل لدرجة الاصلاح
ليه المفروض نستنى للانتخابات
ليه المفروض نسيب الحاجات تتوه ويبقى كانك يابو زيد ما غزيت
الضغط اللي بيحصل ده
هو الضمان الوحيد انه الثورة ماتتوهش
لانه الثورة المضادة اللي بتشتغل بشكل غير مباشر
انيابها لسة مسنونة ماتكسرتش
*****
اما الشعب
في الاول كنت بتناقش مع سواقين التاكسي اللي بيشتموا التحرير
بس دلوقتي بصراحة بقيت معنديش طاقة للاقناع
لانه الكلام بقى من نوعية ربنا يحرقهم ولاد الوسخة الزبالة
اللي موقفين حالنا هو ليه طنطاوي مايبيدهمش كلهم؟؟؟
نفس سواقين التاكسي دول اللي كان دايما عندهم خبايا فساد الحكم في مصر قبل ثورة يناير
واللي كل مرة يقولولك الوزير فلان عنده كام مليون وعلان عضو مجلس الشعب بينيل ايه
وبتوع الجيش بيعملوا كذا
ومبارك وجمال وعلاء وسوزي بينيلوا معرفش ايه
وفي الاخر يارب استر على البلد دي واصلح حالها
عطلت جامد النهارده فعلا وبقيت مش فاهمة
المنطقي انهم يرحبوا باللي الثوار بيعملوه
لان هي دي شكوتهم الدائمة لانهم مسروقين وطالع دينهم
ودلوقتي بس بقى في امل
بس بردو يتكلموا على الوقت وان الحاجات بتيجي بالتدريج
ويسمعوا التليفزيون المصري اللي عارفين كويس انه بيشتغلهم
وبردوا يصدقوه ويبقى كل الناس عملاء وخاينين
بيصيبني فعلا الاحباط لاني يمكن مشكلتي مع النظام مكانتش اقتصادية بالدرجة الاولى
كانت اجتماعية وسياسية
بس النسبة الكبيرة من الشعب اللي فعلا ظروفهم الاقتصادية صعبة
واحنا بنطالب بحد ادنى وحد اقصى للاجور
ازاي مش قادرين يتضامنوا مع حقهم
بيتقال كلام كتير ان النخبة مش قايمة في دورها بالتوعية
ماشي انا موافقة
يعني لو اعتبرت نفسي من التخبة
انا مقصرة
بس ده لا ينفي ان في حاجات بديهية
انه في حق للي ماتوا غدر وفي حق للعايشين في الفقر
ده مش محتاج توعية
طب ليه الناس مش عايزة تفهم ده؟؟؟
ليه بيبصوا تحت رجليهم
****
الماركسية
الحاجة التالتة اللي عطلت عندها الحقيقة
هي اني وفقا للتحليل والنظرية الماركسية اللي بشربها زي الميه من وانا صغيرة جدا
بحكم تربيتي واللي صدقت فيها فعلا لما كبرت شوية وتبنيتها عن اقتناع
كنت بتوقع طول الوقت ان الثورة هيقوم بيها العمال
اللي بقالهم تلات اربع سنين بيعملوا اضرابات مهمة جدا بتتعدى " المطالب الفئوية" بشوية
وتصورت انه فعلا قربنا من انهم يقودوا ثورة كانت بالمناسبة هاتبقى اقوى بكتير لو كانوا هم اللي بدأوها
بس ماحصلش
وانضموا بعدين
ورجحوا كفة الثورة بالفعل
وبيضغطوا دلوقتي بس في مطالب تخصهم هم بس
ومش على نطاق واسع
مطلب الحد الادنى للاجور بيفيد العمال بالدرجة الاولى... هم فين؟؟؟؟
الاستغلال كان واقع عليهم بشكل كبير
ليه مفيصين
انا مش بشكك في النظرية اللي انا مصدقة فيها
بالعكس انا لسة مؤمنة بيها جدا
بس حاسة الدنيا عندنا كلها اتلخبطت كده
والحاجات كلها ساحت في بعضها
*****
ومع كل ده انا متفائلة حتى باسود النتايج
لانه محدش عنده كتالوج
ومحدش يتصور انه عنده الحل والاجابة على الاسئلة
التجربة والخطأ
هي الحاجة الوحيدة اللي هتجاوب على الاسئلة
بس الموضوع محتاج شوية صبر على شوية اصرار
والثورة مستمرة
