لما بكون متضايقة او متعصبة بشوف دخان السيجارة اللي في ايدي متوتر وكثيف وعصبي وبيلف في دواير مفرغة، ولما بكون هادية بشوف الدخان زي سرسوب الميه المسالم، ولما بكون مبسوطة بشوف الدخان عامل سحابة على شكل وشوش او حيوانات او ورد.
لما بكون متضايقة وحياتي متأزمة قبل مانام بتصور اني هنام واصحى الاقيني في مكان تاني وحياة تانية وانا كمان شخص تاني واللي كنت فيه ده مجرد كابوس وخلص، ولما بكون مبسوطه بخاف اني انام واصحى الاقيني شخص تاني في مكان تاني واللي كنت فيه ده مجرد حلم جميل وخلص.
بس احلامي الجميلة المتكررة اللي بفضل افتكر احساسي بيها حتى لو عدى الوقت دايما بتبقى الوان وطيران او الاتنين سوا طيران في وسط الالوان...بلمس الارض وبطير ..شعور بالخفة والحرية والبهجة مش ممكن يتوصفوا. الثورة بالنسبة لي طيران والحب كمان طيران.
افضل كوتاتي من الافلام من فيلم الكيت كات واللي هو شعار مدونتي "زمان كنت بتمشي تدب على الارض دلوقتي يدوبك بتلمس الارض وعاوز تطير" وبشوفني في يوسف بلمس الارض وعاوزة اطير.
الفنانة المكسيكية الجميلة ذات الحياة الماساوية فريدا كاهلو كتبت في مذكراتها بعد رقدة في السرير سنين لاصابتها بالشلل تحت اسكتش هي راسماه انها مش محتاجة الرجلين في حاجة لانها عندها جناحات تطير بيهم.
وكان عندها حلم دائم بان خفة الموت هتخليها تطير.
حتى الفنان المجنون العبقري سلفادور دالي برغم رسوماته السريالية الكونية المقبضة احيانا رسم فراشات بتطير وبتشد الناس.
بتمنى كتير اني اكون مكان البنت اللي على العجلة دي في الواقع مش في الاحلام واخداني الفراشات الملونة اطير معاها في السما الواسعة :)
لما بكون متضايقة وحياتي متأزمة قبل مانام بتصور اني هنام واصحى الاقيني في مكان تاني وحياة تانية وانا كمان شخص تاني واللي كنت فيه ده مجرد كابوس وخلص، ولما بكون مبسوطه بخاف اني انام واصحى الاقيني شخص تاني في مكان تاني واللي كنت فيه ده مجرد حلم جميل وخلص.
بس احلامي الجميلة المتكررة اللي بفضل افتكر احساسي بيها حتى لو عدى الوقت دايما بتبقى الوان وطيران او الاتنين سوا طيران في وسط الالوان...بلمس الارض وبطير ..شعور بالخفة والحرية والبهجة مش ممكن يتوصفوا. الثورة بالنسبة لي طيران والحب كمان طيران.
افضل كوتاتي من الافلام من فيلم الكيت كات واللي هو شعار مدونتي "زمان كنت بتمشي تدب على الارض دلوقتي يدوبك بتلمس الارض وعاوز تطير" وبشوفني في يوسف بلمس الارض وعاوزة اطير.
الفنانة المكسيكية الجميلة ذات الحياة الماساوية فريدا كاهلو كتبت في مذكراتها بعد رقدة في السرير سنين لاصابتها بالشلل تحت اسكتش هي راسماه انها مش محتاجة الرجلين في حاجة لانها عندها جناحات تطير بيهم.
وكان عندها حلم دائم بان خفة الموت هتخليها تطير.
حتى الفنان المجنون العبقري سلفادور دالي برغم رسوماته السريالية الكونية المقبضة احيانا رسم فراشات بتطير وبتشد الناس.
بتمنى كتير اني اكون مكان البنت اللي على العجلة دي في الواقع مش في الاحلام واخداني الفراشات الملونة اطير معاها في السما الواسعة :)
Just say no to military Rule.
ردحذف