وانا صغيرة كان نفسي اطلع ممثلة مش عشان الموهبة الفظيعة ولا عشان ابقى مشهورة بس عشان التمثيل هو المهنة اللي بتخليك تعيش شخصيات كتير وحيوات كتير في حياة واحدة وشخصية واحدة
صحيح البني ادم مننا بيسمع طول الوقت كلمة ركز واعرف انت عايز ايه وماتخليش الوقت يسرقك ومع انه فعلا الوقت بيسرق الناس بس انا عمري ماهتميت بالكلام ده لانه الحقيقي جدا ان الواحد بيعوز حاجات كتير وفي اوقات كتير متناقضة.وناس كتير بتكره الحيرة والتفكير وبالتالي بيستسهلوا انهم يختاروا اول حاجة عازوها..قليلين اللي بيفضل حلمهم صاحي بانهم يجربوا كل الحاجات..وكتير بيفضلوا في طريق لانهم مشيوا فيه شوية ومبقوش قادرين يخشوا طريق تاني ويبدأوه من الاول..
بنسمع كتير من ناس كبار في السن انه:يااااااااااااااااه..زمان وانا صغير كان نفسي اعمل واعمل واعمل بس ماعملوش وفي رايي ان دول هم اللي سرقهم الوقت وسرق احلامهم وسرق روح المغامرة والمخاطرة والاكتشاف
في بداية عملي الصحفي كان من حسن حظي اني اقابل اشخاص قرروا يغيروا طريقهم فجأة بعد ما عملوا تراكم في طريقهم القديم، وقابلت اشخاص قرروا يعملوا تجربة غريبة وجديدة في سن كبير
امل كانت اول شخص اداني اصرار على انه التغيير ممكن يحصل في اي وقت وتحت اي ظروف لما قررت بعد التلاتين بعد سنين من العمل في المحاماة انها هاتسيب المجال ده تماما وتتجه للسينما
البرتو وسيرينا الزوجان الايطاليان اللي تجاوزا الخمسين وقرروا انهم هيلفوا دول البحر المتوسط كلها بريا ويقابلوا الاطفال في قرى الدول دي ويحاولوا يوفروا فرصة للتبادل الثقافي مابين اطفال قريتهم في ايطاليا والقرى المختلفة اللي قابلوها
الحيرة واللخبطة حاجة صحية جدا ومش مخيفة ومش معناها عبث لانه مش معناها انه تعمل الحاجة اللي انت بتحبها دلوقتي باستهتار ومش معناها انك تقف مكانك وماتعملش حاجة بالعكس معناها انك هتعمل اللي انت بتحبه دلوقتي باهتمام وباصرار بس هتفضل طول الوقت شايف البراح اللي حواليك والبراح اللي جواك وعندك الرغبة انك تقتحمه لانه مفيش حاجة تخسرها بالعكس انت الكسبان
الحيرة عمرها ما رعبتني بالعكس بيرعبني اكتر لما احس اني ممكن افقد رغبتي في التغيير
وانا صغيرة كان عندي احلام كتير حققت منها شوية ولسة شوية حلمت اشتغل في الصحافة واشتغلت حلمت اشتغل مسرح واشتغلت حلمت اشتغل سياسة واشتغلت ولما قررت اعمل حاجات تانية عملتها وانا بردو شايفة قدامي البراح مكانش طموحي في الصحافة ابقى رئيس تحرير ولا هو في طموحي دلوقتي ولما قررت اعمل ماجستير مش في طموحي ادرس في الجامعة لانه سعادة تحقيق الحلم لا تقارن باي سعادة تانية وعارفة اني لو قررت اغير حاجة في دول هاعملها بالعكس دايما اللي بيخليني اتقدم لقدام هو البراح اللي بشوفه جوايا وحواليا ولما بحس انه الدنيا ضاقت ومفيهاش براح بتخنق وبقف مكاني
لسة عندي حلمين فاضلين معايا من زمان ويمكن اعملهم في يوم من الايام اني الف العالم واني اشتغل مذيعة في الاذاعة ويمكن اغيرهم واعمل حاجات تانية او حاجات مشابهة بس عمري ما هشوفها على انها مجرد احلام في الخيال دايما هاشوف اني هاحققها في وقت حتى لو في اخر العمر وهحاول اعمل ده لانه هو ده اللي بيخلينا عايشين مش ميتين :))
صحيح البني ادم مننا بيسمع طول الوقت كلمة ركز واعرف انت عايز ايه وماتخليش الوقت يسرقك ومع انه فعلا الوقت بيسرق الناس بس انا عمري ماهتميت بالكلام ده لانه الحقيقي جدا ان الواحد بيعوز حاجات كتير وفي اوقات كتير متناقضة.وناس كتير بتكره الحيرة والتفكير وبالتالي بيستسهلوا انهم يختاروا اول حاجة عازوها..قليلين اللي بيفضل حلمهم صاحي بانهم يجربوا كل الحاجات..وكتير بيفضلوا في طريق لانهم مشيوا فيه شوية ومبقوش قادرين يخشوا طريق تاني ويبدأوه من الاول..
بنسمع كتير من ناس كبار في السن انه:يااااااااااااااااه..زمان وانا صغير كان نفسي اعمل واعمل واعمل بس ماعملوش وفي رايي ان دول هم اللي سرقهم الوقت وسرق احلامهم وسرق روح المغامرة والمخاطرة والاكتشاف
في بداية عملي الصحفي كان من حسن حظي اني اقابل اشخاص قرروا يغيروا طريقهم فجأة بعد ما عملوا تراكم في طريقهم القديم، وقابلت اشخاص قرروا يعملوا تجربة غريبة وجديدة في سن كبير
امل كانت اول شخص اداني اصرار على انه التغيير ممكن يحصل في اي وقت وتحت اي ظروف لما قررت بعد التلاتين بعد سنين من العمل في المحاماة انها هاتسيب المجال ده تماما وتتجه للسينما
البرتو وسيرينا الزوجان الايطاليان اللي تجاوزا الخمسين وقرروا انهم هيلفوا دول البحر المتوسط كلها بريا ويقابلوا الاطفال في قرى الدول دي ويحاولوا يوفروا فرصة للتبادل الثقافي مابين اطفال قريتهم في ايطاليا والقرى المختلفة اللي قابلوها
الحيرة واللخبطة حاجة صحية جدا ومش مخيفة ومش معناها عبث لانه مش معناها انه تعمل الحاجة اللي انت بتحبها دلوقتي باستهتار ومش معناها انك تقف مكانك وماتعملش حاجة بالعكس معناها انك هتعمل اللي انت بتحبه دلوقتي باهتمام وباصرار بس هتفضل طول الوقت شايف البراح اللي حواليك والبراح اللي جواك وعندك الرغبة انك تقتحمه لانه مفيش حاجة تخسرها بالعكس انت الكسبان
الحيرة عمرها ما رعبتني بالعكس بيرعبني اكتر لما احس اني ممكن افقد رغبتي في التغيير
وانا صغيرة كان عندي احلام كتير حققت منها شوية ولسة شوية حلمت اشتغل في الصحافة واشتغلت حلمت اشتغل مسرح واشتغلت حلمت اشتغل سياسة واشتغلت ولما قررت اعمل حاجات تانية عملتها وانا بردو شايفة قدامي البراح مكانش طموحي في الصحافة ابقى رئيس تحرير ولا هو في طموحي دلوقتي ولما قررت اعمل ماجستير مش في طموحي ادرس في الجامعة لانه سعادة تحقيق الحلم لا تقارن باي سعادة تانية وعارفة اني لو قررت اغير حاجة في دول هاعملها بالعكس دايما اللي بيخليني اتقدم لقدام هو البراح اللي بشوفه جوايا وحواليا ولما بحس انه الدنيا ضاقت ومفيهاش براح بتخنق وبقف مكاني
لسة عندي حلمين فاضلين معايا من زمان ويمكن اعملهم في يوم من الايام اني الف العالم واني اشتغل مذيعة في الاذاعة ويمكن اغيرهم واعمل حاجات تانية او حاجات مشابهة بس عمري ما هشوفها على انها مجرد احلام في الخيال دايما هاشوف اني هاحققها في وقت حتى لو في اخر العمر وهحاول اعمل ده لانه هو ده اللي بيخلينا عايشين مش ميتين :))
